Пажарныя выратавалі бусла — Івацэвіцкі веснік - газета Івацэвіцкага раёна || Ивацевичский район


Пажарныя выратавалі бусла

30 июля 2018 - Administrator
article4090.jpg

 Гэта адбылося 26 ліпеня, на наступны дзень пасля таго, як выратавальнікі адзначылі прафесійнае свята. На маёй прыдамавой тэрыторыі знаходзіцца лазня, на коміне якой буслы звілі вялікае гняздо. З гэтага гнязда звісаў кавалак вяроўкі, дык вось у гэтай вяроўцы заблытаўся малады бусел, які з усіх сіл хацеў вырвацца, але знясілеў і ўжо ледзь-ледзь трапятаўся.


Я, інвалід і пенсіянерка, у тую хвіліну нічым не магла дапамагчы птушцы, таму патэлефанавала нашым выратавальнікам. У хуткім часе прыехаў баявы разлік з Целяхан. Уладзімір Квашэвіч, адзін з выратавальнікаў, прадэманстраваў сваю сілу і лоўкасць. Ён узняўся на вышыню, дапамог буслу распутацца, стаць на ногі і на крыло. Птушка ўзнялася ў паветра, паляцела. Мяне літаральна накрылі радасць і ўдзячнасць нашым паважаным выратавальнікам, якія ў цяжкую хвіліну прыходзяць на дапамогу як чалавеку, так і братам нашым меншым. 
Яўгенія Іванаўна ЛУКАШЭВІЧ, 
жыхарка г. п. Целяханы.    
 
Комментарии (0)
Добавить комментарий