Сярод лепшых у вобласці — Івацэвіцкі веснік - газета Івацэвіцкага раёна || Ивацевичский район


Сярод лепшых у вобласці

8 февраля 2019 - Дарья Вдовина
article4378.jpg

На калегіі галоўнага ўпраўлення па адукацыі Брэсцкага аблвыканкама 1 лютага 2019 года падведзены вынікі працы сістэмы адукацыі Брэсцкай вобласці ў 2018 годзе. З 31 установы прафесійнай адукацыі вылучаныя тры лепшыя, сярод якіх Івацэвіцкі прафесійны ліцэй. 

 

Установа адукацыі «Івацэвіцкі дзяржаўны прафесійны ліцэй сельскагаспадарчай вытворчасці» ўзнагароджана Ганаровай граматай Галоўнага ўпраўлення па адукацыі Брэсцкага аблвыканкама за дасягненне высокіх паказчыкаў у развіцці адукацыі па выніках працы ў 2018 годзе. Разам з граматай ліцэю ўручаны сертыфікат на набыццё камплекта спартыўнага інвентару.
 
Як адзначыў дырэктар УА «Івацэвіцкі дзяржаўны прафесійны ліцэй сельскагаспадарчай вытворчасці» Міхаіл Дымовіч, дасягнутыя поспехі – гэта вынік зладжанай працы ўсяго калектыву ліцэя.
 
Падрыхтавала Ганна ІЛЬЯШЭВІЧ.