Золата «Зорачкі»  у Іаанны Шаршуновіч — Івацэвіцкі веснік - газета Івацэвіцкага раёна || Ивацевичский район


Золата «Зорачкі»  у Іаанны Шаршуновіч

13 марта 2019 - Administrator
article4429.jpg

 З 28 лютага па 2 сакавіка ў Пружанах праходзіў III тур першынства Рэспублікі Беларусь па фігурным катанні на каньках «Зорачка», удзел у якім прымалі і івацэвіцкія юныя фігурысты. 


Так, перамогу святкавала Іаанна Шаршуновіч, выхаванка трэнера Яўгенія Якімчука і харэографа Валянціны Хамянок ВСУ «ДЮСШ Івацэвіцкага раёна», якая заняла першае месца ва ўзроставай катэгорыі сярод дзяўчынак 2010 г. н. Усяго ў гэтай групе прымалі ўдзел 28 юных фігурыстак з розных куткоў Беларусі.  У сакавіку-красавіку пройдзе фінал першынства, дзе і вызначацца мацнейшыя.
(фота ілюстрацыйнае)
Падрыхтавала Ганна ІЛЬЯШЭВІЧ.