Злодзеі не баяцца і высакавольтных ліній — Івацэвіцкі веснік - газета Івацэвіцкага раёна || Ивацевичский район


Злодзеі не баяцца і высакавольтных ліній

17 июля 2018 - Administrator
article4067.jpg

 З апор высакавольтных ліній электраперадач, якія праходзяць праз наш раён у кірунку Баранавічаў, неўстаноўленыя злодзеі здымаюць металічныя вугалкі. Гэтыя вугалкі звязваць канструкцыі ЛЭП, яны служаць для таго, каб апоры стаялі надзейна і не здарылася трагедыі. Але злодзеі не думаюць пра бяспеку (у тым ліку ўласную), а раскамплектоўваюць апоры непадалёку ад вёсак Каханова, Даманава ў кірунку Быцені.


Райаддзелам Следчага камітэта Рэспублікі Беларусь узбуджана крымінальная справа. Ідзе пошук злачынцаў. Просім жыхароў раёна: калі вам што-небудзь вядома па дадзеным факце, то патэлефануйце, калі ласка, па нумары 9-22-48. Ананімнасць гарантуецца.

ХХХ
На кантэйнернай пляцоўцы па вул. Славянская ў Івацэвічах былі знойдзены астанкі аленя еўрапейскага. Атрымліваецца, што неўстаноўлены зламыснік не пабаяўся велізарную тушу жывёлы прывезці ў райцэнтр, разабраць; непатрэбныя яму рэшткі ён выкінуў на кантэйнерную пляцоўку.
Калі вам што-небудзь вядома па дадзеным факце, то патэлефануйце, калі ласка, па нумары тэлефона 9-22-48. Ананімнасць гарантуецца.
Віталь КУРАТНІК, следчы Івацэвіцкага райаддзела Следчага камітэта Рэспублікі Беларусь.
 
Комментарии (0)
Добавить комментарий