Шаноўныя жыхары Івацэвіцкага раёна!
Шчыра віншуем вас з Днём Незалежнасці Рэспублікі Беларусь!
Гэта свята мае лёсавызначальнае значэнне для нашага народа: 3 ліпеня – дзень вызвалення сталіцы Беларусі ад нямецка-фашысцкіх захопнікаў.
Сёння мы па традыцыі аддаём даніну павагі і памяці загінуўшым на палях бітваў за вызваленне Радзімы і ўшаноўваем ветэранаў Вялікай Айчыннай вайны за іх ратныя і працоўныя подзвігі.
Нямала цяжкасцей выпала на долю нашага народа на шляху да здабыцця дзяржаўнасці. Гонар і хвала пакаленням нашых продкаў, якія захавалі і перадалі нам праз стагоддзі беларускую культуру, духоўную і матэрыяльную спадчыну. Зараз, у гэты няпросты час, мы цэнім гэта як ніколі.
Вельмі сімвалічна, што менавіта ў гэты дзень па традыцыі мы збіраемся на Гута-Міхалінскай зямлі напярэдадні вызвалення нашага раёна ад нямецка-фашысцкіх захопнікаў, каб з удзячнасцю ўспомніць аб мужнасці, стойкасці і самаадданасці тых, хто аддаў сваё жыццё за Вялікую Перамогу.
Шчыра віншуем усіх з Днём Незалежнасці Рэспублікі Беларусь і гадавінай вызвалення Івацэвіцкага раёна ад нямецка-фашысцкіх захопнікаў!
Адзінства дапамагло нашым прадзедам у Вялікай Перамозе над ворагам. Нам жа адзінства дапамагае берагчы гэты свет і нашу незалежнасць. Іншага шляху ў нас няма.
Жадаем усім моцнага здароўя і мірнага неба над нашай зямлёй.
Са святам!
РАЁННЫ ВЫКАНАЎЧЫ КАМІТЭТ.
ПРЭЗІДЫУМ РАЁННАГА САВЕТА ДЭПУТАТАЎ.
