Вызначыўся пераможца раённага чэмпіянату па міні-футболе

Завяршыўся раённы чэмпіянат па міні-футболе сярод працоўных калектываў раёна, які праходзіў на базе СДЮШАР г. Івацэвічы. Нагадаем, у турніры прымалі ўдзел 10 каманд: «Юс і К GSM» (Івацэвічы), «Гасціны Двор» (Няхачава), «Без праблем» (Дабромысль), «Рэчкі», «Чэстар» (Ружаны), «ІТЦ» (Івацэвічы), «ІПРА-мэбля» (Івацэвічы), «Зацішша» (Зялёны Бор), «СДЮШАР», «Заполле». У выніку напружанай барацьбы турнір па міні-футболе завяршыўся перамогай футбалістаў каманды «Юс і К GSM». Другое месца ў каманды  «Гасціны Двор», на трэцюю ступень п’едэстала ўзнялася каманда «ІТЦ». Па заканчэнні турніру прызёры спаборніцтваў атрымалі дыпломы і памятныя медалі з рук загадчыка сектара спорту і турызму райвыканкама Генадзія Крата.