Каб дапамагчы Сафіі

Рэдакцыя «ІВ» зусім нядаўна пісала пра дзяўчынку з Ляхавіцкага раёна Сафію Жагунь з дыягназам «Спінальная цягліцавая атрафія 1 ступені».  Прэпарат, які можа дапамагчы дзяўчынцы, вырабляецца ў ЗША і каштуе 2,5 млн долараў.

14 сакавіка на рынку ў райцэнтры па вул. Клютко прайшоў дабрачынны кірмаш, на якім можна было набыць вырабы мясцовых рамеснікаў, дамашнія прысмакі і іншыя тавары, якія ахварявалі нераўнадушныя жыхары раёна.

Нават нягледзячы на дрэннае надвор’е, людзі прыйшлі паўдзельнічаць у дабрачыннай акцыі. Дарэчы, і шэраг арганізацый раёна прынялі ўдзел у зборы грашовых сродкаў на лячэнне дзяўчынкі.

Пры дапамозе такіх кірмашоў валанцёры намагаюцца прыцягнуць больш увагі да бяды, у якой апынулася сям’я Сафіі Жагунь. Валанцёры папярэджваюць, што ахвяраваць грошы можна толькі на арганізаваных мерапрыемствах і на афіцыйныя рахункі дзяўчынкі,  ні ў якім выпадку не ахвяруйце сродкі махлярам, якія ходзяць па кватэрах. Валанцёры ніколі не займаюцца пакватэрнымі абыходамі.